Қарағанды облыстық «Әнет баба» мешітінде «Дін мен дәстүр» бағытының және «Жастар ісі» секторының ұйымдастыруымен аймақ жастары мен еріктілер тобы және студенттер қазақы киіз үйде бас қосты.

Берекелі шара барысында қазақ жастарына «дін мен дәстүр» бағытының жауапты өкілі бақдәулет Қыдырбайұлы дін мен дәстүрдің құндылықтарын насихаттады. Одан кейін, «Жастар ісі» секторының жауапты меңгерушісі Думан Қамариденұлы уағыз-насихат айтты.

Шара барысында қарттар күнінің құрметіне орай мешіттің құрметті ақсақалы арнайы кешке қонақ болып, жастарға тәрбие танымдық насихат айтты.

Кеш соңында барлық қонақтарға салт-дәстүрдің құндылықтары насихатталған кітаптар тарту етілді.

Қарағанды облысы бойынша баспасөз қызметі