ҚМДБ-ның Ұлытау облысы өкілдігінің ұйымдастыруымен қасиетті Құран Кәрімді жатқа оқу бойынша өткен сайысқа Қарағанды облысы, Бұқар Жырау ауданына қарасты Үштөбе ауылдық «Қажыбай қажы» мешітінің шәкірті қатысып,  І орынды иеленді.

«Қажыбай қажы» мешіті жанындағы діни сауат ашу қайырымдылық орталығының 21 жасар шәкірті Рахым Али Данашұлы айтулы сайыста жоғары нәтиже көрсетіп, қазылар алқасының оң бағасын иеленді. Қатарластарынан оза шапқан жас қари Ұмра сапарына жолдаманы қанжығасына байлап қайтты.

ҚМДБ-ның Қарағанды облысы бойынша баспасөз қызметі