ҚМДБ-ның Қарағанды облысы бойынша бас имамы Естай Айтуғанұлының тапсырмасымен «Әйел-қыздар секторының» жауапты меңгерушісі, ұстаз   Әйгерім Берікболқызының ұйымдастыруымен «Ханифа» қыздар даму клубының алғашқы рухани шарасы болып өтті.

 «Намаз оқудың жеңіл жолдары» тақырыбы аясында өткен шараға аймаққа қарасты  жүзге жуық қыз-келіншектер қатысып, рухани нәр алды.

Шараға келген жамағатқа клуб атынан намаз оқуды жеңілдету мақсатында жайнамаз-парақшалары таратылды. Семинарда Теміртау орталық «Әлихан Бөкейхан» мешітінің ұстазы Бағдат Шәкенқызы, «Жақып Ақбай» мешітінің ұстазы Ақниет Дәуірғалиқызы уағыз-насихат айтып, құнды ақпараттармен бөлісті. Семинарда намаз бастауға ниетті қыз-келіншектерге практикалық тұрғыда дәрет алу үлгісі мен намаз оқу үлгісі көрсетілді.

Нәзікжандыларға арналған рухани шаралар алдағы уақытта жалғасын таппақ.

ҚМДБ-ның Қарағанды облысы бойынша баспасөз қызметі