ҚМДБ-ның Төрағасы, Бас мүфти Наурызбай қажы Тағанұлының бастамасы аясында Қарағанды облысының бас имам Естай Айтуғанұлының тапсырмасымен қасиетті рамазан айының құрметіне орай облыстық «Әнет баба» мешітінде тарауық намазынан қайтқан жамағатқа «Тегін қоғамдық көлік» қайырымдылық акциясы ұйымдастырылды.

«Ізгі қоғам» бағытының жауапты меңгерушісі Амангелді Дәулеткелдіұлының ұйымдастыруымен өткен акция қасиетті рамазан айы бойы жүзеге асырылатын болады.

 Айта кетейік, қоғамдық көлік жолаушыларды қаладағы «Муканов», «Университетская», «Н. Абдирова» көшелері және «Республика», «Бұқар жырау» даңғылдары бойынша шаһар тұрғындарын тасымалдайды.
 
ҚМДБ-ның Қарағанды облысы бойынша баспасөз қызметі