Қарағанды облысына қарасты Бұқар жырау ауданының әкімі Аблай Қайратқалиұлы Султангали аймақ жамағатына ауызашар дастарханын жайды.

Рухани кешке аудандық мешіттің имамы Рүстем Мұратұлы бастаған дін қызметкерлері мен жамағаты және зиялы қауым өкілдері қатысты. Шара барысында аудан имамы аймақ әкіміне ҚМДБ -ның Қарағанды облысы бойынша бас имамы Естай Айтуғанұлының құттықтауын жеткізді.

Жиында аудан әкімі жергілікті халықты рамазан айымен құттықтап, өзінің жылы лебізін білдірді.

Кеште уағыз-насихат айтылып, қариялар ақ батасын берді.

Қарағанды облысы бойынша баспасөз қызметі