«Е.А.Бөкетов» атындағы Қарағанды Университетінің ректоры Дулатбеков Нұрлан Орынбасарұлы бастаған ғалымдар мен зиялы қауымдар Қарағанды қалалық "Бала қажы" мешітінің имамы Нуров Махмуд қажы Нурұлымен бірге ауызашарда бас қосты. Қарағанды университетінің ұжымына берілген ауызашар кешінде Нуров Махмуд имам арнайы шақырылған. Ондайға мақсат оқу ордасындағы білімді имани тәлім-тәрбиемен ұштастыру. Жиналған қауым имамның ілім алудағы ықылас пен ниет, ауызашардағы шексіз сауап пен шүкіршілік туралы насихатын тыңдады. Жиналған қауым су тасқынынан жапа шеккен отбасыларға Алладан жәрдем сұрап, дұға жасасты.

ҚМДБ-ның Қарағанды облысы бойынша баспасөз қызметі