Қарағанды облысына қарасты  Саран қалалық мешітінің ұйымдастыруымен «Қош бол Құран айы» атты  рухани іс-шарасы өткізілді. Ауызашар уақытында өткен рухани отырысқа қаламыздың зиялы қауым өкілдері мен колледж ұстаздары және студенттерден құрылған 250 адам қатысты. Мешіт имамы Мұсабеков Нұржігіт Оразалыұлы жиналған жамағатқа "Рамазаннан кейінгі мұсылманның бейнесі" жайлы уағыз-насихат айтты. Өнер өкілдерінен Совет Жанәділ мен Зиятхан Алтынбек күй шертіп, халыққа ой саларлық термелерді жеткізді. Сонымен қатар мешіт қызметкерлері арнайы сұрақтар қойып, белсенді жауап бергендерге сый-сыяпаттар табыстады.

Қарағанды облысы бойынша баспасөз қызметі