«Ислам және дәстүр құндылығы» жылы аясында Қарағанды облысы бойынша дін мен дәстүр бағытының жауапты меңгерушісі Бақдәулет Қыдырбайұлының ұйымдастыруымен «Бала тәрбиесі бір өнер» атты рухани танымдық шара болып өтті.

Облыстық «Әнет баба» мешіті ауласында қанат жайған қазақы киіз үйде ақсақалдар бастаған мешіт жамағаты және шәкірттер қауымы бас қосты. Игі шараға Қарағанды облысының дін істері басқармасының басшысы Жанболат Ахуанұлы арнайы қатысты.

Рухани шарада Бақдәулет Қыдырбайұлы бала тәрбиесінің маңыздылығы, қазақы тәрбиенің құндылығы, ата-ананың бала тәрбиесіндегі алар орын жайлы насихат айтты.

Құран оқылып, ақсақалдар батасын берді.
⠀
ҚМДБ-ның Қарағанды облысы бойынша баспасөз  қызметі⠀