Қарағанды облысы, Абай ауданына қарасты Қарабас кенті мешітінде   жас жеткіншектерге Құран кәрім бойынша діни сауат ашу дәрістері жүргізіліп келеді.

Дәрісті Қарабас кенті мешітінің имамы Шарифулла Шадиев жүргізіп, Алланың қасиетті кәләмін танимын деп ниет еткен әрбір шәкіртке асыл дініміздің құндылықтарынан бастап дәріс беруде. Әртүрлі жастағы шәкірттер бастаушы және жалғастырушы топтарға бөлініп, Құран әліппесі, тажуид сынды пәндер бойынша дәріс алуда. Дәріс барысында жеткіншектердің білімге деген ынталарын ашу мақсатында балмұздақ үлестірілді.