Аптаның әр бейсенбі күні бас қосуды үрдіске айналдырған  Қарағанды облыстық «Әнет баба» мешіті жамағаты дәстүрге айналған рухани кеште тағы бір мәрте бас қосты.
ҚМДБ-ның Қарағанды облысы бойынша бас имамы Естай Айтуғанұлының тапсырмасы аясында жүзеге асқан  шара барысында мешіт жамағатының құрметіне  берекелі дастархан жайылып, ас берілді.
Жамағаттың бірлігі мен ауызбіршілігін нығайту мақсатында өткен рухани кеште мешіт наиб имамы Қоныскерей Құмарұлы «Өнегелі отбасы құндылықтары» тақырыбында уағыз-насихат айтты.

Дін мен дәстүрдің құндылықтары сабақтасқан берекелі отырыста жүзден астам мешіт жамағаты бас қосты. Кездесу соңы сұрақ-жауапқа ұласты.
 
ҚМДБ-ның Қарағанды облысы бойынша баспасөз қызметі