Қарағанды облысы Саран қалалық мешітінде маусым айынан бастау алған "Имани жаз-2024" атты сауат ашу курсы аяқталды. Курс 1 ай өткізілді. Дәріс алу үшін жиналған 20 оқушы "Имандылық әліппесі" кітапшасы негізінде білім алды. Қасиетті жұма күнінің қарсаңында шәкірттерді марапаттау рәсімі өткізілді. Мешіт имамы Мұсабеков Нұржігіт Оразалыұлы ұстаздар мен ата-аналарға алғысын жеткізе отырып, шәкірттерге арнайы сертификат табыстады. Сонымен қатар сыйлықтар берілді. Және де Саликов Мұхаммедқали қажы жас жеткіншектерге батасын беріп, ақ жол тіледі.