Қарағанды қалалық «Бұқар Жырау» мешітінде қасиетті Рамазан айының құрметіне 50 отбасына қайырымдылық көмек көрсетілді. Игі іс-шараны мешіт имамы Орманбет Болатұлы ұйымдастырып, мұқтаж отбасыларға арнайы Рамазан сыйын табыстады.

Демеушілердің қолдауымен тұрмысы төмен, көпбалалы 50 отбасына күнделікті тұрмысқа қажетті азық-түлік қоржындары үлестірілді. Әр қоржынның ішіне сұйық май, жұмыртқа, ұн, макарон өнімдері және басқа да қажетті азық-түліктер салынды.

Қайырымдылық көмекке ие болған мұқтаж жандар көрсетілген қамқорлық үшін ризашылығын білдіріп, мешіт ұжымына және демеушілерге шын жүректен алғыстарын жеткізді.

ҚМДБ Қарағанды облысы өкілдігінің баспасөз қызметі