Қарағанды қалалық «Әл Машани» мешітінде «Ең көрем есімдер Аллаға тән»  тақырыбында Алланың 99 көркем есімдерін жаттаған шәкірттер арасында сайыс өтті

Рухани іс-шара Мешіт ұстазы Бақытгүл Айтқалиқызы ұйымдастыруымен жүзеге асты.

Қасиетті Құран Кәрімді оқумен басталған жиында мешіт имамы Сайлау Жұмағұлұлы «Көркем есімдерді жаттау», «Амал етудің маңыздылығы» тақырыбында уағыз-насихат айтты. 

Ұстаз Бақытгүл Айтқалиқызы «Жаратушымызға деген махаббат», «Зікір етудің маңыздылығын» тақырыптарында насихат айтты. 

Сайыс барысында шәкірттер Алла Тағаланың көркем есімдерінің арабша, қазақша мағыналарын айтып , білімдерін ортаға салды.

Сайыс соңында жеңімпаздар мен барлық қатысушыларға арнайы алғыс хаттар табысталды.

ҚМДБ-ның Қарағанды облысы бойынша баспасөз қызметі