Дінімізде ағаш егу – сауапты амал. Осы ізгі істі Қарағанды қалалық «Әл-Ғаффар» мешітінің имамы Ермахан Оралбай бастамашы болып қолға алды. Игі бастамаға мешіт қызметкерлері мен жамағат белсенді қатысып, көктемнің жайма-шуақ шағында мешіт ауласына шырша көшеттері мен гүлдер отырғызды.

Жердің тоңы жібіп, табиғат оянған мезгілде ағаш отырғызу – тек абаттандыру емес, қоршаған ортаны қорғауға бағытталған сауапты іс. Мұндай амал жамағат арасында экологиялық мәдениетті қалыптастыруға да оң ықпал етеді.

Іс-шара соңында имам Ермахан Оралбай тал егуге атсалысқан барша жамағатқа алғысын білдіріп, бұл сауапты амалдың қабыл болуын тілеп, бата жасады.

ҚМДБ Қарағанды облысы өкілдігінің баспасөз қызметі