Бұқар жырау ауданы, Үштөбе ауылындағы «Қажыбай қажы» мешітінде әйел-қыздар жамағатына «Отбасындағы сабыр» тақырыбында уағыз-насихат айтылды.

Жиында сабырдың мұсылман өміріндегі орны мен оның отбасы ішіндегі маңыздылығы кеңінен түсіндірілді. Мешіт ұстазы Гүлнұр Қаныбекқызы «Расында, Алла сабыр етушілермен бірге» («Бақара» сүресі, 153-аят) деген аятты негізге ала отырып, сабырлы болудың рухани және тәрбиелік жағына тоқталды.

Отбасының тыныштығы мен үйлесімділігі – мүшелерінің сабырлы, кешірімді болуына тікелей байланысты екені айтылды. Ашуға бой алдырмай, сабырмен шешім қабылдау отбасындағы татулықтың негізі болатыны ескертілді.

ҚМДБ Қарағанды облысы өкілдігінің баспасөз қызметі