Қарағанды қаласындағы «Әл-Машани» мешітінде әйел-қыздар жамағатына арналған «Қыз – өмір сәні. Ана – өмір мәні» тақырыбында тәрбие сағаты өтті.

Бұл басқосуды мешіттің әйелдер жамағатының ұстазы Бақытгүл Айтқалиқызы өткізді.

Кездесу барысында ұстаз қыз баланың тәрбиесі, анаға құрмет, ар-ұят пен инабаттылық, отбасындағы ананың орны туралы тағылымды ой өрбітті.

Сонымен қатар қатысушыларға қазақы салт-дәстүр мен дініміздің әйел затына берген мәртебесі жөнінде кеңінен әңгімелеп, рухани насихат жүргізді.

Жиналған жамағат тәрбиелік мәні зор дәрістен үлкен әсер алып, алғыстарын білдірді.

ҚМДБ Қарағанды облысы өкілдігінің баспасөз қызметі