Қарағанды облысы, Саран қалалық мешітінің наиб имамы Ерболат Дауржан жамағатқа Имам Науауидің «40 хадис» кітабынан насихат айтты. Уағыз «Расында, амалдар ниетке байланысты» хадисі төңірегінде өрбіді.

Имам ән-Нәуәуи (р.а.) бұл хадисті өзінің әйгілі «40 хадис» жинағының басына қойған. Оның айтуынша, бұл хадис – ислам негіздерінен саналатын аса маңызды қағидалардың бірі. Ғалымдар бұл хадисті «Ислам ілімдерінің үштен бірі» деп бағалаған. Себебі амал – жүрек, тіл және денемен жасалатын іс болса, ниет – жүректегі амалдардың негізі.

Уағыз барысында наиб имам амалдың қабыл болуы мен ниеттің шынайы болуының арасындағы тығыз байланысты түсіндіріп, жамағатты ықыласпен ғибадат етуге шақырды.

ҚМДБ Қарағанды облысы өкілдігінің баспасөз қызметі