Қарағанды қаласындағы «Әл-Машани» мешітінің имамы Сайлау Жұмағұлұлының тапсырмасымен қыз балалардан құралған шәкірттерге «Құран – мәңгі мұғжиза» атты мәдени-танымдық кеш ұйымдастырылды. «Toi Grand» мейрамханасында өткен іс-шараны мешіт ұстазы Бақытгүл Айтқалиқызы ұйымдастырды.

Кеш барысында «Құранға байланған жүректер», «Құран жайында деректер», «Құран – шапағатым» тақырыптарында уағыздар айтылды. Одан кейін сұрақ-жауап кезеңі жалғасып, жеңімпаздарға сыйлықтар табысталды. Құран хатымға түскен шәкірттерге «тәж кигізу рәсімі» өткізілді. Қажы апалар жастарға ақ батасын беріп, соңында кең дастархан жайылды.

ҚМДБ Қарағанды облысы өкілдігінің баспасөз қызметі