Қарағанды қалалық «Бұқар Жырау» мешітінде еліміздегі түрлі этнос өкілдерін бір шаңырақ астына жинаған ұлттар бірлігіне арналған тағылымды іс-шара өтті.

Мешіттің бас имамы Орманбет Болатұлының бастамасымен ұйымдастырылған жиында келген қонақтарға дастарқан жайылып, уағыз-насихат айтылды. Дін мен дәстүр сабақтастығы, ұлттық құндылықтар және ұлттар арасындағы сыйластық жөнінде мазмұнды ойлар ортаға салынды.

Іс-шараға Шешен-Ингуш, Әзербайжан, Өзбек диаспораларының төрағалары қатысып, өзара ынтымақ пен татулықты нығайтудың маңыздылығына тоқталды.

Көп ұлтты елімізде тату-тәтті өмір сүріп жатқан түрлі этнос өкілдері бұл басқосуда бір үйдің баласындай бірігіп, ынтымақ пен бірліктің үлгісін көрсетті.

ҚМДБ Қарағанды облысы өкілдігінің баспасөз қызметі