Қарағанды облысы мешіттерінің әйел-қыздар жамағаты облыстық волейбол турниріне қатысып, тартысты ойын өрнегін көрсетті.

Дін істері басқармасының ұйымдастыруымен өткен бұл спорттық іс-шараға өңірдің әр мешітінен белсенді әйел жамағаты жиналып, достық пен бірліктің үлгісін танытты.

Жарыс қорытындысында Қарағанды қалалық «Бала қажы» мешітінің әйел-қыздар жамағаты жүлделі III орынды жеңіп алды.

Дене тәрбиесін нығайтып, ауызбіршілікті арттыруды мақсат еткен турнир жоғары деңгейде ұйымдастырылып, қатысушылардың ұйымшылдығы мен шеберлігі көрінді.

ҚМДБ Қарағанды облысы өкілдігінің баспасөз қызметі