Қарағанды қалалық «Хазрет Али» мешітінде қазіргі қоғамда, әсіресе жастар арасында белең алып отырған жат діни ағымдардың алдын алу мақсатында арнайы уағыз-насихат жұмысы ұйымдастырылды.

Уағызды мешіт имамы Ербол Мұқанұлы жүргізіп, жамағатқа, әсіресе жастарға радикалды және теріс бағыттағы діни ағымдардың белгілері мен қауіп-қатері туралы кеңінен түсіндірді. Ол дәстүрлі ислам мен жат ағымдардың ара-жігін ажыратудың маңыздылығына тоқталып, діни білімді тек сенімді, ресми көздерден алу қажеттігін баса айтты.

Іс-шара жастар арасында дінге деген дұрыс көзқарас қалыптастыруға, жат идеологиялардың ықпалынан сақтау мақсатында өткізілді. 

Имамның баяндамасы жамағат тарапынан жылы қабылданып, өзекті сұрақтар қойылып, көпшілікпен өзара пікіралмасты.