Қарағанды қалалық «Әл-Ғаффар» мешітінде қайырымдылық бағытындағы игі істер тұрақты түрде жалғасын тауып жатыр. Жуырда мешіт ұжымы тарапынан 4 баланы жалғыз тәрбиелеп отырған, асыраушысы жоқ ананың отбасына 186 666 теңге көлемінде қаржылай көмек көрсетілді.

Аталған қайырымдылық іс-шара Қазақстан мұсылмандары діни басқармасының «Зекет және қайырымдылық» қоры аясында жүзеге асырылып, әлеуметтік жағдайы төмен отбасыларды қолдауға бағытталды. Мешіттің имамы Ермахан Оралбайдың бастамасымен атқарылған бұл көмек – қоғамдағы мұқтаж жандарға жанашырлық танытудың жарқын үлгісі болды.

Мешіт ұжымы алдағы уақытта да осындай қайырымдылық бастамаларды тұрақты түрде жалғастыруды көздеп отыр.

ҚМДБ Қарағанды облысы өкілдігінің баспасөз қызметі