Ақтас кентінің имамы Азамат Сайлауұлының ұйымдастыруымен #6505 әскери бөлімінде офицерлер мен сержанттарға арналған суицидтің алдын алу тақырыбында кездесу өтті.

Кездесу барысында өз-өзіне қол жұмсаудың дінде үлкен күнә екені түсіндіріліп, өмірдің аманат екені айтылды. Сондай-ақ қатысушыларды жігерлендіру мақсатында батыр бабаларымыздың өмірінен үлгі-өнеге келтірілді.

Іс-шара аясында сабыр, үміт, жауапкершілік сияқты құндылықтар және сарбаздардың бір-біріне бауырмалдық пен достықты ұштастыра қолдау көрсету маңыздылығы атап өтілді.

Кездесу кезінде әскери қызметшілер рухани серпіліспен өмірге деген оң көзқарастарын арттырды.

ҚМДБ Қарағанды облысы өкілдігінің баспасөз қызметі