Қарағанды облысына қарасты Қарқаралы аудандық «Құнанбай қажы» мешітінің имамы Митератбек Орынбекұлының ұйымдастыруымен мешіт жамағатына арнап танымдық дәріс өтті.

Дәріс барысында «Бабалар ізімен: Қазақ даласындағы мұсылмандық мектеп» атты кітаптың мазмұны кеңінен түсіндіріліп, халқымыздың діни әрі рухани тарихы, салт-дәстүрі мен мәдениеті жайында тағылымды ойлар ортаға салынды.

Игі бастаманың мақсаты – жамағатқа ата-бабалар ұстанған дәстүрлі ислам құндылықтарын кеңінен насихаттап, ұлт тарихындағы рухани жалғастықты ұғындыру.

Дәріске қатысқан жамағат мол мағлұмат алып, рухани азыққа кенелді.

ҚМДБ Қарағанды облысы өкілдігінің баспасөз қызметі