Қарағанды облысына қарасты Қарқаралы аудандық «Құнанбай қажы» мешітінің имамы Митератбек Орынбекұлының ұйымдастыруымен мешіт жамағатына «Ислам және отбасы құндылығы» жылы аясында «Ынтымағы жарасқан жанұя» тақырыбында уағыз-насихат жүргізілді.

Уағыз барысында отбасы бірлігінің маңызы, ер мен әйелдің өзара сыйластығы, бала тәрбиесіндегі жауапкершілік туралы тағылымды ойлар айтылып, ислам дініндегі отбасының орны мен рөлі кеңінен түсіндірілді.

Игі іс-шараның мақсаты – жамағатқа отбасы берекесінің дініміздегі орнын ұғындыру, отбасылық құндылықтарды дәріптеу және ынтымақ пен сыйластыққа үндей түсу.

Жамағат насихаттан рухани азық алып, пайдалы мәліметтерге қанықты.

ҚМДБ Қарағанды облысы өкілдігінің баспасөз қызметі